التخطي إلى المحتوى الرئيسي

Prison Break , Breaking Bad , la casa de papel , Black Mirror ! دردشة حول عالم المسلسلات .


Prison Break ,  Breaking Bad , la casa de papel , Black Mirror ! دردشة حول عالم المسلسلات .

Prison Break ,  Breaking Bad , la casa de papel , Black Mirror ! دردشة حول عالم المسلسلات .

لما بدأت اتفرج علي مسلسلات اجنبي كانت البداية من اعدادي مثلا عقبال ما فهمت أن في مسلسلات ثانية وقصص تانية وناس تانية غير المسلسلات العربي
طبعا زينة وهركليز دول كانوا أساسيات
لكن بدأت اتفرج ع حاجات تانية
كانت معظم المسلسلات بتيجي ع القناة التانية بليل الساعه 9
كان اكتر مسلسل اتشديت له كان مسلسل عن واحد عايش في غابة وبيكلم حيوانات ويفهمهم وهما يفهمو هو بيقول ايه كنت بتفرج عليه أنا و أصدقائي أيام عرضه .
في الثانوي بدأنا نجيب الدش و اتفرج علي مسلسلات اكتر وأتابع اكتر افتكر اني كنت بتفرج مع عماد اخويا ع مسلسل friends وبعدها بدأت أنا أتابع قناة mbc action ومسلسل FBI بكل اجزاءه كنت مبهور بالتحقيقات واكتشاف الجرائم والأجهزة و مسرح الجريمة وكانت حاجات غريبة فعلا وبعدها تابعت Prison Break وعالم السجن وازاي هربوا منه وازاي قدروا يخططو للهروب
وساعتها كنت في تمريض كنت بتدرب في الاستقبال وكان ساعتها بيتعرض مسلسل ER واتفرجت عليه مع الحسرة ع حال مستشفى الدمرداش والمستشفيات الحكومية اللي كنت بشوفها .
بعدها بفترة اتعمل مسلسل لحظات حرجة المصري وحسن الصورة شوية للمستشفيات وطبعا ان الجو جوا المستشفى مش شغل بس ومش مرضي فقط لا ده حياة تانية وقصص ناس تانية. لكل شخصية بالمسلسل ولكل شخص في المستشفى .
بعدها عجبتني فكرة المسلسلات السيت كم ومنها المصري زي تامر وشوقية، راجل وست ستات في البداية وأحمد اتجوز مني والعيادة وبدأت اتابع منهم وأتابع الأجنبي اللي زيهم الفترة دي كنت قدرت ادخل ع النت واقدر اجيب اي مسلسل انا عاوزه واتفرج عليه في أي وقت ف البيت ع الكمبيوتر القديم بتاعي وكانت تجربة جديدة وحلوة أنك تتفرج في بيتك ع المسلسل كله في اسبوع مثلا
بعدها خلصت موضة مسلسلات رمضان وان كل موسم رمضان يبقي في مسلسل او اتنين شبابي أو كوميدي حلو واتفرج عليهم بعدين ملل من الاعلانات بدأت ادور ع اليوتيوب واتفرج عليهم واحدة واحدة انتشرت الموبايلات السمارت وبدأت قصة المسلسلات الاجنبية الكبيرة والشهيرة
ايام موقع myegy والمواقع بتاعت زمان مرورا باكوام وايجي بيست كل مسلسل كنت بتفرج عليه كنت بتخيل اني بعيش القصة معاهم كنت بتخيل اني عايش في البلد دي او اتشد ليهم واتاثر بالي بيحصل للممثلين في المسلسلات
مسلسل Breaking Bad مسلسل واقعي لدرجة لا أحد يتخيلها عظمة الدراما مسلسل مشفتش زيه ومش قادر اشوف زيه تاني مسلسل مكنتش اتمني أنه يخلص عشان اقدر اتفرج عليه بنفس الشغف ومكنتش عاوز اخلص أجزاءه كلها بس فكرة اني عاوز اعرف ايه اللي هيحصل كان لازم اخلصه مع ظهور فكرة تركيب فلاشة فى الموبايل زادت المتعة اكتر. وكنت بدل ما اتفرج من الموبايل اتفرج ع الشاشة
مسلسل got عظيم في حلقات انا حافظ السيناريو بتاعها بالمعارك بالي حصل فيها. كنت بتفرج ع مراجعات للحلقات عشان اتاكد اني شفتها صح ولا لا كنت بتفرج ع المسلسل تاني وع اللاب من كتر حلاوة المسلسل هي قلشت منهم في الجزء الاخير بس المسلسل عظيم ومتزهقش منه
مسلسل 13 Reasons Why وموت هنا بيكر بسبب التنمر الي حصل لها
تسجيلات هانا الي تحسسك انك السبب في موتها وانك ليك سبب. كلام هانا عن لحظة انتحارها وعن تفكيرها في الموت بسبب اللي شافته من أصحابها شرائط هنا وبتشرح ال 13 سبب اللي انتحرت بسببهم
اظهار حقيقة كل واحد ف المدرسة وازاي شارك في موتها
تحول الأجزاء من قصة هانا بيكر إلى صحابها وازاي كل واحد كان مخادع وازاي كل واحد كان في جانب سي وازاي حاولوا يضللوا العدالة في الأجواء الأخيرة
والاكتئاب اللي يحصل لك وانت بتابع موتها وقصتها وحياة امها من بعدها وازاي ابوها باع امها وعاش حياته وتخلي عن قضية هانا وحقها
Prison Break ,  Breaking Bad , la casa de papel , Black Mirror ! دردشة حول عالم المسلسلات .

مسلسل la casa de papel
خطط البروفيسور والادرينالين الي بتحسه بيزيد عندك في كل حلقة هما في بيت المال وازاي أن الخطة ممكن تفشل بسبب حد أو بسبب غلطة
مسلسل Mr. Robot وعالم الهكر والتفكير الي جوا الشخصية المسلسل اللي مقدرتش اكمل كل الاجزاء بسبب صراع الشخصية النفسية وحسيت قد ايه ممكن تاثر عليا أنا وعلي صحتي النفسية
مسلسل Black Mirror
واكتر حاجه خايف منها في حياتي واكتر حاجه خايف من تأثيرها السلبي عليا المسلسل ده خوفني من اي شئ إلكتروني
المسلسل اللي بيحكي الجانب السئ في التكنولوجيا المسلسل بين اسوء شي ممكن التكنولوجيا توصل الناس له , بين قد ايه زي ما لها إيجابيات لها سلبيات ولها رعب , زي أزمة كورونا مع كل التكنولوجيا دي والعلم ده مش قادرين نوصل لمصل أو لقاح وازاي التكنولوجيا ممكن تؤدي إلى موت حد. وازاي بتخلينا شايفن حياتنا من نظرة تكنولوجية فقط. كمان مع زيادة عدد الموبايلات و السوشيال ميديا الموضوع بقي كارثي والانستجرام وظهور موخرا التيك توك كل ده كان في
Black Mirror
المسلسلات الاجنبية كتير في اللي أنا فاكرها وفاكر أحداثها وفي اللي نسيتها نسيت اسمها بس لكن لو شفت اسمها بفتكر القصة كلها وبفتكر الحالة الي عشتها معها وعشان بحب المسلسلات لكن لازم اتفرج باعلي جودة صوت وصورة بقيت مشترك في نتفلكس ومشترك في شاهد vip و مشترك في osn
فعلا الفترة الي بتابع فيها مسلسل بتبقى فترة جميلة و الواحد بيعيش فيها الأحداث مع ابطال المسلسل .

الكاتب : أ/ على عادل

تعليقات

المشاركات الشائعة من هذه المدونة

الانهيدونيا "anhedonia".. كيف تموت المشاعر وهل يمكن أن تعود إلي الحياة من جديد؟

الانهيدونيا "anhedonia".. كيف تموت المشاعر وهل يمكن أن تعود إلي الحياة من جديد؟  الانهيدونيا باختصار هي فقدان القدرة على الإحساس بالمتعة وعدم القدرة على الإحساس بالسعادة من التجارب الممتعة والتي كانت محببة إلى النفس عادة وهو شعور قاسي ومزعج إلي أقصي حد.  قد يبدو الكلام معقدا غير مفهوم إلا أنك بعد قراءة هذا المقال ستدرك حجم المعاناة التي يمكن أن تصيب إنسان في أسهل شيء قد يحصل عليه أشقى الناس في لحظات ما إلا أن مصاب الانهيدونيا يعجز عن هذا حتى لو لم يكن يعاني من أي ما قد يجعله حزين. ما هي الانهيدونيا؟ الانهيدونيا هي سمة سريرية أساسية للاكتئاب والفصام وبعض الأمراض العقلية والنفسية الأخرى ولكن يمكن أن تصيب من هو ليس مصابا بأى أمراض عقلية أو نفسية أخرى أي من الممكن أن يكون منفردا بلا أي أمراض نفسية أخرى .  قد يكون الأمر عسيرا على الفهم , فالنحاول أن نفهم معا و لنتعرف على هذا المرض الغامض الغريب الذى يحول حياة المصاب إلى جحيم لا يطاق . لا تجد الأم المصابة ب أنهيدونيا فرحة من اللعب مع طفلها. مشجع كرة القدم ليس متحمسًا عندما يفوز فريقه. لا يشعر المراهق بأي متعة من اجتياز اختبار القيا

من هو سيف زاهر.. ما لن تجده على ويكيبيديا

من هو سيف زاهر.. ما لن تجده على ويكيبيديا من هو سيف زاهر؟ -سيف محمد زاهر هو شخصية رياضية مصرية و إعلامي رياضي بارز وعضو مجلس إدارة العديد من المجالس الرياضية علي عدة فترات مختلفة.  -عمه هو الكابتن الراحل سمير زاهر "وليس والدة كما هو متداول" رئيس الاتحاد المصري لكرة القدم السابق وأحد أبرز رؤسائه عبر التاريخ حيث فاز المنتخب الوطني المصري في فترة ولايته بكأس الأمم الافريقية أعوام ٢٠٠٦ و٢٠٨ و ٢٠١٠ . ويقول سيف زاهر عن عمه سمير زاهر أنه والده وليس عمه.  كم يبلغ عمر سيف زاهر -سيف زاهر من مواليد 14 سبتمبر ١٩٧٥ أي أنه يبلغ من العمر ٤٥ عاما بدايات سيف زاهر الإعلامية -ذاع صيته عبر قناة "الحياة" عندما عمل بها مذيعا رياضيا ومقدما للبرامج الرياضية وتنقل عدة مرات بين عدة قنوات حتى أستقر به الحال حاليا مقدما لبرنامج "ملعب أون" بالمشاركة مع الإعلامي الكبير أحمد شوبير الذي يبث عبر شبكة قنوات "أون سبورت" في الحادية عشر مساء حيث يقدم البرنامج بالتناوب مع شوبير و الذي يحظي بمتابعة كبيرة ويعد البرنامج الرئيسي بالقناة. -يقدم سيف زاهر أيضا في الإذاعة برنامج "وان تو

تقنية "EMDR" لعلاج الصدمات و نوبات الهلع وغيرها من الأمراض النفسية.. ثورة طبية في علم النفس

تقنية "EMDR" لعلاج الصدمات و نوبات الهلع وغيرها من الأمراض النفسية.. ثورة طبية في علم النفس  يمضي الزمن ويمر ويكتشف العلم المزيد من الأمراض النفسية الصعبة العسيرة على العلاج التقليدي وعلى نفس الوتيرة تتطور أساليب العلاج الدوائية و الغير دوائية حتى تواكب الوتيرة المتسارعة للأمراض النفسية أفة العصر الحديث. و يعد العلاج بواسطة الاستثارة الثنائية لحركة العين (EMDR) واحدًا من أهم العلاجات المستخدمة حديثا في الطب النفسي ويعتبر ثورة حديثة في عام النفس وعلى الرغم من أنه قد تم ابتكار هذه التقنية منذ عشرات السنين وبالتحديد منذ عام 1987 إلا أنها قد اتخذت شهرة كبيرة مؤخرا لنجاحها الكبير في علاج والمساعدة في علاج الكثير من الأمراض النفسية المستعصية خصوصا تلك المتعلقة بالصدمات النفسية عسيرة العلاج المتعلقة بالذكريات المؤلمة والتي ظلت لسنوات طويلة بلا حل نهائي يريح المريض من عناء يومي ولحظي ليس له فيه يد. ما هو علاج الـ EMDR؟ العلاج بواسطة الاستثارة الثنائية لحركة العين (EMDR) و هي اختصار باللغة الانجليزية ل " Eye Movement Desensitization and Reprocessing" هو أسلوب علاج نفسي يستخد